About Us

माननीय अनुताई भागवत श्री बाळासाहेब देवरस माननीय नानाजींचा आशीर्वाद घेऊन ताईंनी वयाच्या साठ नंतर समाजासाठी काही देण्याच्या दृष्टिकोनातून बाल जगत साकारले ताईंचा लोकसंग्रह दांडगा होता बोलण्यात आपलेपणा या सगळ्याचा परिपाक म्हणून बाल जगतच्या उभारणीला तन-मन-धनाने मदत मिळत गेली तशी कोणतीही सरकारी मदत नव्हती लक्ष्मी नगर मधील एक भूखंड बाल जगतच्या साठी सर्वानुमते निवडल्या गेला ते सायंटिफिक सोसायटीची जागा मिळायला दोन ते तीन वर्षाचा कालावधी गेला आणि कामकाज सुरू झाले बाल जगत आकारला येऊ लागले हा बाळजगतचा शारीरिक भाग झाला बाल जगतची मानसिकता ज्याला आपण आत्मा म्हणू शकतो तो म्हणजे बाल जगत चा उद्देश काय त्याच्या निर्मिती मागची संकल्पना काय हे सर्व आधी कार्यकर्त्यांना समजावे यासाठी बैठका होत गेल्या आणि धूसर असणारे चित्र काही प्रमाणात कार्यकर्त्यांच्या मनात स्पष्ट होत गेले.

लहान मुलं ही देशाची प्रगत आणि उत्तम धरोहर आहे देशाला एक सुघड नागरिक देणे आणि देशाला संरक्षित करणं. आजच्या यंत्र युगात केवळ शिक्षण महत्त्वाचं नाही ,तर समाजाला भेदभाव रहित विचारसरणीची प्रजा घडविणे हा प्रमुख उद्देश दीनदयाल संस्थांनच्या बाल जगत घडणीच्या मागचा होता. अतिशय विचारपूर्वक यामागील प्रेरणेचे संयोजन माननीय नानाजी देशमुख यांचे होते. त्यांना तशीच साथ माननीय ताई सुकळीकरांनी दिली. आजच्या बाल जगतची पाळमुळं फार खोलवर रुजलेली आहेत 1980 च्या काळात रामदास पेठ येथील  पार्कात याची सुरुवात झाली. आजूबाजूची लहान मुलं अगदी सगळ्या स्तरातील एकत्र येत असत. त्यांच्यासोबत त्यांच्या आया पण येत.  मुलांना खेळ गाणी गोष्टी शिकवल्या जात असे. त्या ठिकाणी एक मोठं पाण्याचं टाकं होतं त्याच्यात मुलांना पोहणे सुद्धा शिकविल्या जात असे. असं म्हणता येईल कदाचित बाल जगतची सुरुवातच तिथून झाली आहे.